Kampionati Botëror i Hendbollit në Gjermani me LIQUI MOLY

Pas Kampionatit Evropian të këtij viti, LIQUI MOLY do vazhdojë të angazhohet në Hendbollin Ndërkombëtar të vitit 2027. Kompania gjermane specialiste në vajra dhe aditivë është sponsori zyrtar i edicionit të 30-të. Kampionati Botëror i Hendbollit për Meshkuj-IHF. Ndeshjet do të luhen në Gjermani nga mesi deri në fund të janarit të vitit të ardhshëm. “Hendbolli ka shumë dashamirës në të gjithë botën. Është pikërisht Kampionati Botëror që i ngujon tifozët para ekraneve të tyre. Prandaj do të vazhdojmë të angazhohemi në vitin 2027,” thotë Salvatore Coniglio, Drejtor Menaxhues i LIQUI MOLY.

Që nga viti 2019, hendbolli është pjesë e veprimtarive promocionale të LIQUI MOLY. Si në turnetë e mëparshme, logoja blu dhe e kuqe do të jetë pothuajse kudo, këtë herë me sloganin e ri ‘FOR THE DRIVERS’. Gjatë 112 ndeshjeve të Kampionatit Botëror, do të magjepsen pallatet sportive në München, Stuttgart, Kiel, Magdeburg, Hannover dhe Köln. Qëllimi i kompanisë si partnere zyrtare e Kampionatit Botëror të Hendbollit për Meshkuj - IHF 2027 është përcaktuar qartë: “Përmes mediave prezantojmë identitetin tonë të ri të markës për qindra mijëra spektatorë në stadium dhe gjithashtu për miliona tifozë sportivë,” shprehet Coniglio.

LIQUI MOLY ka një prani të fortë në botën e sporteve motorike, aktualisht në Formula 1, Moto2 dhe me ekipin BLACK FALCON në Serinë e Distancës së Gjatë në Nürburgring (NLS), si dhe në garën legjendare 24 Orë në Eifel. “Përveç testimit, motorët lihen të pushojnë gjatë dimrit. Meqenëse duam të arrijmë tifozët e sportit përtej botës së garave motorike dhe të përforcojmë më tej profilin e markës LIQUI MOLY, po përqendrohemi edhe në ngjarje të tjera si Kampionati Botëror i Hendbollit,” thotë Drejtori Menaxhues i kompanisë, që prodhon vajra motorikë, aditivë dhe produkte për mirëmbajtjen e makinave. Kompania ndihet plotësisht e kënaqur me rezultatet e arritura në bashkëpunimet e mëparshme ndaj, për këtë arsye, synon të vazhdojë angazhimin e saj në garat e ardhshme që do të zhvillohen brenda vendit . “Natyra ndërkombëtare e një kampionati botëror dhe mbulimi global mediatik që rrjedh prej tij janë një faktor kyç; për më tepër, LIQUI MOLY është një markë, produktet e të cilës janë të disponueshme në 150 vende,” thekson Coniglio. Llogaria është e thjeshtë: Sa më e njohur bëhet marka aq më shumë rritet xhiroja e shitjeve. “Falë Wildcard që iu dha Australisë, në Kampionatin Botëror marrin pjesë ekipe nga të pesë kontinentet”, shton Coniglio.

Kampionati Botëror do të fillojnë në München më 13 janar. Finalja do të luhet më 31 janar në Köln. “Ajo që ndodh në ‘fushë’ pasqyron në mënyrë të përkryer vlerat e kompanisë sonë: përsosmëri, respekt dhe integritet. Shpirti i ekipit, loja e ndershme dhe një vendosmëri e fortë për t'u ndeshur në nivelin më të lartë, duke respektuar performancat e kundërshtarëve,” u shpreh Drejtori Menaxhues i LIQUI MOLY.

Reportazh fotografik nga skena të ndryshme të lojës

Rreth LIQUI MOLY

Me rreth 4000 artikuj, LIQUI MOLY ofron një gamë të gjerë të pakrahasueshme të kimikateve të automobilave: Vajrat dhe aditivët e motorit, yndyrat dhe pastat, spërkatjet dhe produktet e kujdesit të makinave, ngjitësit dhe vulosësit. E themeluar në vitin 1957, LIQUI MOLY zhvillon dhe prodhon vajrat dhe aditivët e saj të motorit në Gjermani. Prej vitesh është votuar si marka më e mirë në kategorinë e lubrifikantëve. Kompania shet produktet e saj në rreth 150 vende.